ನೀವು ಷೇರು ಮಾರುಕಟ್ಟೆಗಳಲ್ಲಿ ಹೂಡಿಕೆ ಮಾಡಲು ಬಯಸುತ್ತಿದ್ದರೆ, ನಿಮ್ಮ ಡಿಮ್ಯಾಟ್ ಹಿಡುವಳಿ ಹೇಳಿಕೆ ಬಗ್ಗೆ ತಿಳಿದುಕೊಳ್ಳುವುದು ಅತ್ಯಗತ್ಯ. ಒಂದು ಉದಾಹರಣೆಯ ಸಹಾಯದಿಂದ ಇದನ್ನು ನಾವು ಅರ್ಥಮಾಡಿಕೊಳ್ಳೋಣ. ಒಂದು ವೇಳೆ ನೀವು ಬ್ಯಾಂಕಿನಲ್ಲಿ ಚೆಕ್ ಠೇವಣಿ ಮಾಡಬೇಕಾದರೆ, ಕ್ಲಿಯರೆನ್ಸ್‌ಗಾಗಿ ತೆಗೆದುಕೊಳ್ಳಲಾಗುವ ಸಮಯವನ್ನು ನೀವು ಗಣನೆಗೆ ತೆಗೆದುಕೊಂಡ ನಂತರ – ನಿಮ್ಮ ಖಾತೆಯ ಹೇಳಿಕೆಯನ್ನು ಪರಿಶೀಲಿಸಿ. ಅದೇ ರೀತಿ, ನೀವು ಷೇರು ಮಾರಾಟ ಮಾಡಿದಾಗ ಅಥವಾ ಖರೀದಿಸಿದಾಗ, ಡಿಮ್ಯಾಟ್ ಹಿಡುವಳಿಗಳ ಹೇಳಿಕೆಯನ್ನು ನೋಡುವ ಮೂಲಕ ಅದು ನಿಮ್ಮ ಡಿಮ್ಯಾಟ್ ಖಾತೆಯಲ್ಲಿ ಡೆಬಿಟ್ ಆಗಿದೆಯೇ ಅಥವಾ ಜಮಾ ಆಗಿದೆಯೇ ಎಂಬುದನ್ನು ನೀವು ಪರಿಶೀಲಿಸಬೇಕು. ಆದರೆ ಮೊದಲು, ಡಿಮ್ಯಾಟ್ ಖಾತೆ ಎಂದರೇನು ಎಂಬುದನ್ನು ನಾವು ಮರುಪರಿಶೀಲಿಸೋಣ.
ಡಿಮ್ಯಾಟ್ ಖಾತೆಯನ್ನು ಅರ್ಥಮಾಡಿಕೊಳ್ಳುವುದು
ನೀವು ಷೇರು ಮಾರುಕಟ್ಟೆಗಳಲ್ಲಿ ಹೂಡಿಕೆ ಮಾಡಲು ನಿರ್ಧರಿಸಿದ ನಂತರ, ನೀವು ಡೆಪಾಸಿಟರಿ ಪಾರ್ಟಿಸಿಪೆಂಟ್ (DP) (ಡಿಪಿ) ನೊಂದಿಗೆ ಡಿಮ್ಯಾಟ್ ಖಾತೆಯನ್ನು ತೆರೆಯಬೇಕಾಗುತ್ತದೆ. DPs(ಡಿಪಿಎಸ್) ನ್ಯಾಷನಲ್ ಸೆಕ್ಯೂರಿಟಿಸ್ ಡೆಪಾಸಿಟರಿ ಲಿಮಿಟೆಡ್ (NSDL)(ಎನ್ಎಸ್ ಡಿಎಲ್) ಅಥವಾ ಸೆಂಟ್ರಲ್ ಡೆಪಾಸಿಟರಿ ಸರ್ವಿಸಸ್ (ಇಂಡಿಯಾ) ಲಿಮಿಟೆಡ್ (CDSL)(ಸಿಡಿ ಎಸ್ಎಲ್) ನೊಂದಿಗೆ ನೋಂದಾಯಿಸಲಾದ ಬ್ರೋಕಿಂಗ್ ಸಂಸ್ಥೆಗಳಾಗಿವೆ – ನಂತರದ ಎಲ್ಲಾ ಎರಡು ಡಿಮ್ಯಾಟ್ ವಹಿವಾಟುಗಳ ದಾಖಲೆಯನ್ನು ಇರಿಸಿಕೊಳ್ಳುತ್ತವೆ. DP(ಡಿಪಿ) ಯ ದೃಷ್ಟಿಕೋನದಿಂದ, ನಿಮ್ಮ ಡಿಮ್ಯಾಟ್ ಖಾತೆಯನ್ನು ಗ್ರಾಹಕ ಖಾತೆ ಅಥವಾ ಗ್ರಾಹಕ ಫಲಾನುಭವಿ ಖಾತೆ ಎಂದು ಕೂಡ ಕರೆಯಲಾಗುತ್ತದೆ.
ಏಂಜಲ್ ಒನ್ CDSL(ಸಿಡಿಎಸ್ಎಲ್) ನೊಂದಿಗೆ ನೋಂದಣಿಯಾದ DP(ಡಿಪಿ) ಆಗಿದೆ. ಏಂಜಲ್ ಒನ್ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಇಲ್ಲಿ ಕ್ಲಿಕ್ ಮಾಡಿ.
ಡಿಮ್ಯಾಟ್ ಖಾತೆಯು ಇಕ್ವಿಟಿ ಷೇರುಗಳು, ಎಕ್ಸ್‌ಚೇಂಜ್ ಟ್ರೇಡೆಡ್ ಫಂಡ್‌ಗಳು (ಇಟಿಎಫ್‌ಗಳು), ಮ್ಯೂಚುಯಲ್ ಫಂಡ್‌ಗಳು, ಬಾಂಡ್‌ಗಳು ಮತ್ತು ಸರ್ಕಾರಿ ಭದ್ರತೆಗಳನ್ನು ಒಳಗೊಂಡಂತೆ ಹಲವಾರು ಷೇರು ಮಾರುಕಟ್ಟೆ ಹೂಡಿಕೆಗಳ ವ್ಯಾಪಕ ಶ್ರೇಣಿಯನ್ನುಹೊಂದಿರಬಹುದು. ಡಿಮ್ಯಾಟ್ ಖಾತೆಯಲ್ಲಿ ನಿಮ್ಮ ಷೇರುಗಳನ್ನು ವಿದ್ಯುನ್ಮಾನವಾಗಿ ಹಿಡಿದುಕೊಳ್ಳುವುದು ಡಿಜಿಟಲ್ ಸುರಕ್ಷಿತ ವಹಿವಾಟುಗಳನ್ನು ಮತ್ತು ಕಡಿಮೆ ದಾಖಲೆ ಪತ್ರಗಳನ್ನು ಒದಗಿಸುತ್ತದೆ, ವಂಚನೆಗಳು, ವಿಳಂಬಗಳು ಅಥವಾ ಮಾನವ ದೋಷಗಳ ಸಾಧ್ಯತೆಗಳನ್ನು ನಿವಾರಿಸುತ್ತದೆ.
ಇಲ್ಲಿ, ಡಿಮ್ಯಾಟ್ ಖಾತೆಯು ಕೇವಲ ನಿಮ್ಮ ಷೇರುಗಳನ್ನು ಹೊಂದಿದೆ ಮತ್ತು ಷೇರು ಮಾರುಕಟ್ಟೆಗಳಲ್ಲಿ ಟ್ರೇಡಿಂಗ್ ಆರಂಭಿಸಲು, ನೀವು ಟ್ರೇಡಿಂಗ್ ಖಾತೆಯನ್ನು ಕೂಡ ತೆರೆಯಬೇಕಾಗುತ್ತದೆ ಎಂಬುದನ್ನು ನೀವು ನೆನಪಿಡಬೇಕು. ಟ್ರೇಡಿಂಗ್ ಖಾತೆ ನಿಮ್ಮ ಬ್ಯಾಂಕ್ ಖಾತೆಯೊಂದಿಗೆ ಜೋಡಿ ಆಗಿರುತ್ತದೆ. ಉದಾಹರಣೆಗೆ, ನೀವು ಷೇರನ್ನು ಖರೀದಿಸಲು ಬಯಸಿದರೆ, ಖರೀದಿ ಆದೇಶವನ್ನು ನಿಮ್ಮ ಟ್ರೇಡಿಂಗ್ ಖಾತೆ ಮೂಲಕ ಪ್ರಕ್ರಿಯೆಗೊಳಿಸಲಾಗುತ್ತದೆ ಮತ್ತು ನಿಮ್ಮ ಡಿಮ್ಯಾಟ್ ಖಾತೆಯಲ್ಲಿ ಜಮಾ ಮಾಡಲಾಗುತ್ತದೆ. ಖರೀದಿಯ ಶುಲ್ಕಗಳನ್ನು ನಂತರ ನಿಮ್ಮ ಬ್ಯಾಂಕಿನ ಖಾತೆಯಿಂದ ಕಡಿತಗೊಳಿಸಲಾಗುತ್ತದೆ. ನಂತರ ನಿಮ್ಮ ಡಿಮ್ಯಾಟ್ ಹಿಡುವಳಿಗಳ ಹೇಳಿಕೆಯಲ್ಲಿ ಷೇರುಗಳ ಖರೀದಿಯನ್ನು ನೀವು ಪರಿಶೀಲಿಸಬಹುದು.
ಡಿಮ್ಯಾಟ್ ಹಿಡುವಳಿಗಳು
ಅದೇ ದಿನದಲ್ಲಿ ಅವುಗಳನ್ನು ಮಾರಾಟ ಮಾಡುವ ಉದ್ದೇಶವಿಲ್ಲದೆ ನಿಮ್ಮ ಡಿಮ್ಯಾಟ್ ಖಾತೆಯನ್ನು ಬಳಸಿಕೊಂಡು ಷೇರುಗಳನ್ನು ನೀವು ಖರೀದಿಸಿದಾಗ, ಅವುಗಳನ್ನು ನಿಮ್ಮ ಹಿಡುವಳಿಗಳು ಎಂದು ಕರೆಯಲಾಗುತ್ತದೆ. ಡಿಮ್ಯಾಟ್ ಹಿಡುವಳಿ ಹೇಳಿಕೆಗಳು ನೀವು ಹೊಂದಿರುವ ಎಲ್ಲಾ ಷೇರುಗಳ ವಿವರಗಳನ್ನು ನೀಡುತ್ತದೆ, ಬ್ಯಾಂಕ್ ಹೇಳಿಕೆಗಳಂತೆ ನಿಮ್ಮ ಬ್ಯಾಂಕ್ ಖಾತೆಯಲ್ಲಿರುವ ಸ್ವತ್ತುಗಳ ಖಾತೆಯ ಯ ವಿವರವನ್ನು ನೀಡುತ್ತದೆ.
ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳನ್ನು ಅರ್ಥಮಾಡಿಕೊಳ್ಳುವುದು
ಗ್ರಾಹಕರು ಮತ್ತು ಷೇರು ವಿನಿಮಯ ಕೇಂದ್ರಗಳ ನಡುವಿನ ಮಧ್ಯವರ್ತಿಯ ಪಾತ್ರವನ್ನು ಪೂರೈಸುವ ದಲ್ಲಾಳಿಗಳಾಗಿ ಡಿಪಿಎಸ್ ಕಾರ್ಯನಿರ್ವಹಿಸುತ್ತದೆ. ಆದ್ದರಿಂದ ನೀವು ಪ್ರತಿ ಬಾರಿ ಖರೀದಿ ಆದೇಶವನ್ನು ಮಾಡಿದಾಗ ಏನಾಗುತ್ತದೆ? ಈ ಪ್ರಕ್ರಿಯೆಯು ಸಂಕೀರ್ಣವಾಗಿದೆ ಮತ್ತು ಹಲವಾರು ದಿನಗಳಲ್ಲಿ ಮತ್ತು ಅನೇಕ ಹಂತಗಳ ಮೂಲಕ ತೆರೆದುಕೊಳ್ಳುತ್ತದೆ.
- ಷೇರುಗಳನ್ನು ಮೊದಲು ಡಿಪಿಯ ಪೂಲ್ ಖಾತೆಗೆ ವರ್ಗಾಯಿಸಲಾಗುತ್ತದೆ ಮತ್ತು ಅಲ್ಲಿಂದ ಅವುಗಳನ್ನು ಗ್ರಾಹಕರ ಖಾತೆಗೆ ವರ್ಗಾಯಿಸಲಾಗುತ್ತದೆ. ಈ ಪ್ರಕ್ರಿಯೆಯನ್ನು ಸಾಮಾನ್ಯವಾಗಿ T(ಟಿ)+2 ಕೆಲಸದ ದಿನಗಳೊಳಗೆ ಪೂರ್ಣಗೊಳಿಸಲಾಗುತ್ತದೆ, ಇಲ್ಲಿ ಟಿ ವಹಿವಾಟನ್ನು ಆರಂಭಿಸಲಾದ ದಿನವಾಗಿದೆ. ಆದಾಗ್ಯೂ, ಸೆಪ್ಟೆಂಬರ್ 07, 2021 ದಿನಾಂಕದ ಸುತ್ತೋಲೆಯ ಅಡಿಯಲ್ಲಿ, SEBI(ಸೆಬಿ) ಐಚ್ಛಿಕ T(ಟಿ)+1 ಸೆಟಲ್ಮೆಂಟಿಗೆ ಅನುಮತಿ ನೀಡಿದೆ.
- ಡಿಮ್ಯಾಟ್ ಖಾತೆಗೆ ಜೋಡಿ ಆಗಿರುವ ನಿಮ್ಮ ಬ್ಯಾಂಕ್ ಖಾತೆಯಿಂದ ಹಣವನ್ನು ತೆರವುಗೊಳಿಸಬೇಕು. ಆದ್ದರಿಂದ ವಹಿವಾಟಿಗೆ ಪಾವತಿಸಲು ನಿಮ್ಮ ಬ್ಯಾಂಕ್ ಖಾತೆಯಲ್ಲಿ ಸಾಕಷ್ಟು ಹಣವನ್ನು ಹೊಂದಿರಬೇಕು.
- ಷೇರುಗಳನ್ನು ಅಂತಿಮವಾಗಿ ನಿಮ್ಮ ಡಿಮ್ಯಾಟ್ ಖಾತೆಗೆ ವರ್ಗಾಯಿಸಲಾಗುತ್ತದೆ. ನಿಮ್ಮ ಖಾತೆಯಲ್ಲಿ ನೀವು ಷೇರುಗಳನ್ನು ಒಂದಕ್ಕಿಂತ ಹೆಚ್ಚು ದಿನ ಇರಿಸಿದಾಗ, ಅವುಗಳು ಹಿಡುವಳಿಗಳಾಗಿ ತೋರಿಸಲು ಆರಂಭಿಸುತ್ತವೆ. ಮತ್ತೊಂದೆಡೆ, ನೀವು ಅವುಗಳನ್ನು ಅದೇ ದಿನ ಮಾರಾಟ ಮಾಡಿದರೆ, ಅವುಗಳನ್ನು ಸ್ಥಾನಗಳಾಗಿ ಪ್ರದರ್ಶಿಸಲಾಗುತ್ತದೆ.
ಆದರೆ ಷೇರುಗಳನ್ನು ನಿಜವಾಗಿಯೂ ನಿಮ್ಮ ಖಾತೆಗೆ ವರ್ಗಾಯಿಸಲಾಗಿದೆ ಎಂದು ನಿಮಗೆ ಹೇಗೆ ತಿಳಿಯುತ್ತದೆ? ಡಿಮ್ಯಾಟ್ ಖಾತೆಯ ಹಿಡುವಳಿ ಹೇಳಿಕೆಯು ನಿಮಗೆ ಷೇರುಗಳ ಮಾಲೀಕತ್ವವನ್ನು ವರ್ಗಾಯಿಸಲಾಗಿದೆ ಎಂಬುದರ ನಿರ್ಣಾಯಕ ಪುರಾವೆಯಾಗಿದೆ. ಇದು ಸ್ಪಷ್ಟವಾದ ಸತ್ಯದಂತೆ ತೋರುತ್ತದೆಯಾದರೂ , , ಗ್ರಾಹಕರಿಗೆ ವರ್ಗಾವಣೆ ಮಾಡುವ ಬದಲಿಗೆ ಡಿಪಿಎಸ್ ತಮ್ಮ ಸ್ವಂತ ಪೂಲ್ ಖಾತೆಯಲ್ಲಿ ಷೇರುಗಳನ್ನು ಇರಿಸುವ ಸಂದರ್ಭಗಳಿವೆ. ಹೀಗಾಗಿ, ನಿಮ್ಮ ಡಿಮ್ಯಾಟ್ ಹಿಡುವಳಿ ಹೇಳಿಕೆಯನ್ನುನಿರಂತರವಾಗಿ ಮೇಲ್ವಿಚಾರಣೆ ಮಾಡುವುದು ಸೂಕ್ತ. ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆ ನೀವು ಹೊಂದಿರುವ ಎಲ್ಲಾ ಷೇರುಗಳ ವಿವರವಾದ ಖಾತೆ, ಅವುಗಳನ್ನು ಖರೀದಿಸಿದ ದಿನಾಂಕಗಳು, ಅವರ ಪ್ರಸ್ತುತ ಮೌಲ್ಯ ಮತ್ತು ಇತರ ಸಂಬಂಧಿತ ವಿವರಗಳು. ನಿಮ್ಮ ಸ್ವತ್ತುಗಳ ಸ್ಪಷ್ಟ ಚಿತ್ರಣವನ್ನು ನಿಮಗೆ ನೀಡುವುದರ ಜೊತೆಗೆ, ಡಿಮ್ಯಾಟ್ ಹಿಡುವಳಿ ಹೇಳಿಕೆಗಳು ತೆರಿಗೆ ಉದ್ದೇಶಗಳಿಗೆ ಕೂಡ ಸಂಬಂಧಿತವಾಗಿವೆ.
ಡಿಮ್ಯಾಟ್ ಹಿಡುವಳಿ ಹೇಳಿಕೆಯನ್ನು ವೀಕ್ಷಿಸಲು/ಡೌನ್ಲೋಡ್ ಮಾಡಲು ಎರಡು ಮಾರ್ಗಗಳು
1. ಕೇಂದ್ರ ಠೇವಣಿ ವೆಬ್‌ಸೈಟಿನಿಂದ ನೇರವಾಗಿ
ಭಾರತದಲ್ಲಿ ಎರಡು ಪ್ರಮುಖ ಕೇಂದ್ರ ಠೇವಣಿಗಳಿವೆ – ಸಿಎಸ್ಡಿಎಲ್ ಮತ್ತು ಎನ್ಎಸ್ಡಿಎಲ್. ನಿಮ್ಮ ಡಿಮ್ಯಾಟ್ ಖಾತೆಯನ್ನು ಯಾವ ರಾಷ್ಟ್ರೀಯ ಠೇವಣಿಯಲ್ಲಿ ನೋಂದಾಯಿಸಲಾಗಿದೆ ಎಂಬುದರ ಆಧಾರದ ಮೇಲೆ CSDL(ಸಿಎಸ್ಡಿಎಲ್) ಅಥವಾ NSDL(ಎನ್ಎಸ್ಡಿಎಲ್) ವೆಬ್‌ಸೈಟ್‌ನಿಂದ ನೇರವಾಗಿ ನಿಮ್ಮ ಡಿಮ್ಯಾಟ್ ಖಾತೆ ಹೇಳಿಕೆಯನ್ನುನೀವು ಡೌನ್ಲೋಡ್ ಮಾಡಬಹುದು, ಇದರ ಆಧಾರದ ಮೇಲೆ ನಿಮ್ಮ ಡಿಮ್ಯಾಟ್ ಖಾತೆ ನೋಂದಣಿಯಾಗಿದೆ. NSDL(ಎನ್ಎಸ್ಡಿಎಲ್)ನೊಂದಿಗೆ ನೋಂದಾಯಿಸಲಾದ ಡಿಮ್ಯಾಟ್ ಖಾತೆಗಳು ಸಾಮಾನ್ಯವಾಗಿ 14-ಅಂಕಿಯ ಸಂಖ್ಯೆಯನ್ನು ಹೊಂದಿರುತ್ತವೆ ಆದರೆ CSDL(ಸಿಎಸ್ಡಿಎಲ್)ನೊಂದಿಗೆ ನೋಂದಣಿಯಾದವರು 16-ಅಂಕಿಗಳನ್ನು ಹೊಂದಿರುತ್ತಾರೆ. ಅಗತ್ಯವಿರುವ ರಾಷ್ಟ್ರೀಯ ಡೆಪಾಸಿಟರಿಯ ವೆಬ್‌ಸೈಟ್‌ಗೆ ಸರಳವಾಗಿ ಲಾಗ್ ಆನ್ ಮಾಡಿ ಮತ್ತು ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಯನ್ನು ವೀಕ್ಷಿಸಲು ನಿಮ್ಮ ಡಿಮ್ಯಾಟ್ ಸಂಖ್ಯೆಯನ್ನು ನಮೂದಿಸಿ.
ನಿಮ್ಮ ಡಿಮ್ಯಾಟ್ ಖಾತೆ NSDL(ಎನ್ಎಸ್ಡಿಎಲ್)ನೊಂದಿಗೆ ನೋಂದಣಿಯಾಗಿದ್ದರೆ, ನಿಮ್ಮ ಹಿಡುವಳಿ ಗಳನ್ನು ನೋಡಲು ನೀವು ಅವರ ಐಡಿಯಾಸ್ ಸೇವೆಯನ್ನು ಬಳಸಬಹುದು.ಈ ಸೇವೆಗಾಗಿ ನೀವು ಇಲ್ಲಿ ನೋಂದಾಯಿಸಿಕೊಳ್ಳಬಹುದು:
ನಿಮ್ಮ ಖಾತೆ CDSL(ಸಿಡಿಎಸ್ಎಲ್)ನೊಂದಿಗೆ ಇದ್ದರೆ, ನಿಮ್ಮ ಹೇಳಿಕೆಗಳನ್ನು ವೀಕ್ಷಿಸಲು ಐಡಿಯಾಸ್ ನಂತೆಯೇ ನೀವು ‘ಈಸಿ’ ಆನ್ಲೈನ್ ಸೇವೆಯನ್ನು ಬಳಸಬಹುದು –
-https://web.cdslindia.com/myeasi/registration/Easiregistration.
ನೀವು ಯಾವುದೇ ಠೇವಣಿದಾರರೊಂದಿಗೆ ನೋಂದಣಿ ಮಾಡಿದ ನಂತರ, ಬ್ರೋಕಿಂಗ್ ಸಂಸ್ಥೆಯನ್ನು ಸಂಪರ್ಕಿಸುವ ಅಗತ್ಯವಿಲ್ಲದೆ ನೇರವಾಗಿ ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗೆ ನೀವು ಪ್ರವೇಶವನ್ನು ಪಡೆಯಬಹುದು. ನಿಮ್ಮ ಹಿಡುವಳಿಗಳ ಸಮಗ್ರ ಪಟ್ಟಿಯನ್ನು ವಿಶ್ಲೇಷಿಸಲು ನೀವು ನಿಮ್ಮ ಕ್ರೋಢೀಕರಿಸಲಾದ ಖಾತೆ ಹೇಳಿಕೆಗಳನ್ನು (CA(ಸಿಎ)) ಡೌನ್ಲೋಡ್ ಮಾಡಬಹುದು.
2. ನಿಮ್ಮ ಬ್ರೋಕರ್‌ನ ಟ್ರೇಡಿಂಗ್ ವೇದಿಕೆ ಬಳಸಿ
ನೀವು ಆನ್ಲೈನ್ ಡಿಮ್ಯಾಟ್ ಖಾತೆಯನ್ನು ತೆರೆದಾಗ, ನಿಮ್ಮ ಬ್ರೋಕರ್ ನಿಮಗೆ ಟ್ರೇಡಿಂಗ್ ವೇದಿಕೆಯನ್ನು ಒದಗಿಸುತ್ತದೆ, ಇದನ್ನು ಬಳಸಿ ನೀವು ಆನ್ಲೈನ್ ಷೇರುಗಳ ಖರೀದಿ ಮತ್ತು ಮಾರಾಟವನ್ನು ನಿರ್ವಹಿಸುತ್ತೀರಿ. ಈ ಟ್ರೇಡಿಂಗ್ ವೇದಿಕೆಯನ್ನು ಬಳಸಿಕೊಂಡು ನಿಮ್ಮ ಡಿಮ್ಯಾಟ್ ಖಾತೆಯ ಹಿಡುವಳಿ ಹೇಳಿಕೆಯನ್ನು ನೀವು ವೀಕ್ಷಿಸಬಹುದು. ಉದಾಹರಣೆಗೆ, ಏಂಜಲ್ ಒನ್ ಸಂದರ್ಭದಲ್ಲಿ, ನಿಮ್ಮ ಲಾಗಿನ್ ID(ಐಡಿ) ಮತ್ತು ಪಾಸ್ವರ್ಡ್ ಬಳಸಿಕೊಂಡು ನೀವು ಮೊದಲು ಏಂಜಲ್ ಒನ್ ಟ್ರೇಡಿಂಗ್ ವೆಬ್‌ಸೈಟ್‌ಗೆ ಲಾಗಿನ್ ಮಾಡಬೇಕು. ನಂತರ, ತೆರೆಯುವ ಡ್ಯಾಶ್‌ಬೋರ್ಡ್‌ನಿಂದ, “ವರದಿಗಳು” ನಂತರ “ಭದ್ರತಾ ಹಿಡುವಳಿಗಳು” ಮೇಲೆ ಕ್ಲಿಕ್ ಮಾಡಿ. ಇದು ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳನ್ನುತೆರೆಯುತ್ತದೆ, ಅದನ್ನು ನೀವು ನೋಡಬಹುದು ಅಥವಾ ಡೌನ್ಲೋಡ್ ಮಾಡಬಹುದು. ನಿಮ್ಮ ಯಾವ ಡಿಪಿಯಲ್ಲಿದೆಯೋ ಅದೇ ವಿಧಾನವನ್ನು ನೀವು ಅನುಸರಿಸಬಹುದು.
ನಿಮ್ಮ ಡಿಮ್ಯಾಟ್ ಖಾತೆಯ ಹಿಡುವಳಿ ಹೇಳಿಕೆಯನ್ನು ನೀವು ಯಾವಾಗ ಪರಿಶೀಲಿಸಬೇಕು?
SEBI(ಸೆಬಿ)ನ ನಿಯಮಾವಳಿಗಳ ಪ್ರಕಾರ, ನಿರ್ದಿಷ್ಟ ಟ್ರೇಡಿಂಗ್ ದಿನದ ಅವಧಿಯಲ್ಲಿ ಪ್ರತಿ ಮಾರಾಟ ಅಥವಾ ಖರೀದಿ, T(ಟಿ)+2 (ವರ್ಗಾವಣೆ+2 ದಿನಗಳು) ಅಥವಾ T(ಟಿ)+1 ದಿನಗಳ ನಂತರ ಹೂಡಿಕೆದಾರರ ಡಿಮ್ಯಾಟ್ ಖಾತೆಯಲ್ಲಿ ಪ್ರತಿಫಲಿಸುತ್ತದೆ. ಇದರರ್ಥ ನೀವು ಷೇರು ಖರೀದಿಸಿದ್ದರೆ, ಎರಡು ಕಚೇರಿ ದಿನಗಳ ನಂತರ ಅಗತ್ಯವಾದ ವರ್ಗಾವಣೆಯು ನಿಮ್ಮ ಖಾತೆಯಲ್ಲಿ ಪ್ರತಿಫಲಿಸುತ್ತದೆ. ವರ್ಗಾವಣೆಯಲ್ಲಿ ಒಳಗೊಂಡಿರುವ ಹಂತಗಳನ್ನು ತಿಳಿದುಕೊಳ್ಳುವುದು ಇಲ್ಲಿ ಮುಖ್ಯವಾಗಿದೆ:
– ಮೊದಲನೆಯದಾಗಿ, ನಿಮ್ಮ ಟ್ರೇಡಿಂಗ್ ಖಾತೆಯ ಮೂಲಕ ಖರೀದಿಸಲು ನೀವು ಆದೇಶ ಮಾಡುತ್ತೀರಿ
– ಎರಡನೆಯದಾಗಿ, ಬ್ರೋಕಿಂಗ್ ಸಂಸ್ಥೆಯು ತನ್ನ ಪೂಲ್ ಖಾತೆಯಲ್ಲಿ ಷೇರು ವಿನಿಮಯ ಕೇಂದ್ರದಿಂದಷೇರುಗಳನ್ನು ಸ್ವೀಕರಿಸುತ್ತದೆ.
– ಮೂರನೇಯದಾಗಿ, ನಿಮ್ಮ ಬ್ಯಾಂಕಿಂಗ್ ಖಾತೆಯಿಂದ ಹಣವನ್ನು ತೆರವುಗೊಳಿಸಬೇಕು.
– ನಾಲ್ಕನೇಯದಾಗಿ, ಬ್ರೋಕಿಂಗ್ ಸಂಸ್ಥೆಯು ನಿಗದಿತ ಸಮಯದೊಳಗೆ ನಿಮ್ಮ ಡಿಮ್ಯಾಟ್ ಖಾತೆಯಲ್ಲಿನ ಷೇರುಗಳನ್ನು ವರ್ಗಾಯಿಸುತ್ತದೆ.
ಷೇರುಗಳನ್ನು ವರ್ಗಾಯಿಸಿದ ನಂತರ, ಅದನ್ನು ನಿಮ್ಮ ಡಿಮ್ಯಾಟ್ ಹಿಡುವಳಿ ಹೇಳಿಕೆಗಳಲ್ಲಿ ಪ್ರತಿಫಲಿಸುತ್ತದೆ.
ನಿಮ್ಮ ಡಿಮ್ಯಾಟ್ ಹಿಡುವಳಿ ಹೇಳಿಕೆಗಳ ನಿಯಮಿತ ಮೇಲ್ವಿಚಾರಣೆಯ ಪ್ರಾಮುಖ್ಯತೆ
ನಿಮ್ಮ ಡಿಮ್ಯಾಟ್ ಖಾತೆಗೆ ಅಗತ್ಯವಾದ ಷೇರುಗಳ ವರ್ಗಾವಣೆಯನ್ನು ಮಾಡಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಲು ನಿಮ್ಮ ಡಿಮ್ಯಾಟ್ ಹಿಡುವಳಿ ಹೇಳಿಕೆಗಳನ್ನುನಿಯಮಿತವಾಗಿ ಮೇಲ್ವಿಚಾರಣೆ ಮಾಡುವುದು ಮುಖ್ಯವಾಗಿದೆ. ಷೇರುಗಳನ್ನು ಇನ್ನೂ ಬ್ರೋಕಿಂಗ್ ಸಂಸ್ಥೆಯ ಸಾಮಾನ್ಯ ಪೂಲ್ ಖಾತೆಯಲ್ಲಿ ಇರಿಸಬಹುದು ಮತ್ತು ಇತರ ಗ್ರಾಹಕರ ಮಾರ್ಜಿನ್ ಅವಶ್ಯಕತೆಗಳನ್ನು ಪೂರೈಸಲು ಬಳಸಿಕೊಳ್ಳಬಹುದು. ಅಂತಹ ಸಂದರ್ಭದಲ್ಲಿ, ನಿಮ್ಮ ಹೂಡಿಕೆಗಳಿಂದ ನಷ್ಟಗಳ ಬೆದರಿಕೆಯನ್ನು ನೀವು ಎದುರಿಸುವುದು ಮಾತ್ರವಲ್ಲದೆ, ಲಾಭಾಂಶಗಳು, ಷೇರು ವಿಭಜನೆಗಳು ಇತ್ಯಾದಿಗಳಂತಹ ಕಾರ್ಪೊರೇಟ್ ಕ್ರಿಯೆಯ ಪ್ರಯೋಜನಗಳನ್ನು ಕಳೆದುಕೊಳ್ಳುತ್ತೀರಿ.
ಮುಕ್ತಾಯ:
ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳುನಿಮ್ಮ ಡಿಮ್ಯಾಟ್ ಖಾತೆಯಲ್ಲಿ ನೀವು ಹೊಂದಿರುವ ಎಲ್ಲಾ ಷೇರುಗಳು, ಅವುಗಳನ್ನು ಖರೀದಿಸಿದ ದಿನಾಂಕಗಳು ಮತ್ತು ಅವುಗಳ ಪ್ರಸ್ತುತ ಮೌಲ್ಯದ ಸಾರಾಂಶವಾಗಿದೆ.ನೀವು ಖರೀದಿಸಿದ ಷೇರುಗಳನ್ನು ನಿಮ್ಮ ಡಿಮ್ಯಾಟ್ ಖಾತೆಗೆ ವರ್ಗಾಯಿಸಲಾಗಿದೆ ಮತ್ತು ವ್ಯೂಹದಲ್ಲಿ ಸಿಲುಕಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಲು ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳನ್ನೂನಿರಂತರವಾಗಿ ಮೇಲ್ವಿಚಾರಣೆ ಮಾಡುವುದು ಮುಖ್ಯವಾಗಿದೆ. ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆ ನಿಮ್ಮ ಷೇರುಗಳ ಮಾಲೀಕತ್ವದ ನಿರ್ಣಾಯಕ ಸಾಕ್ಷ್ಯವಾಗಿದೆ. ಇದು ತೆರಿಗೆ ಉದ್ದೇಶಗಳಿಗೆ ಕೂಡ ಉಪಯುಕ್ತವಾಗಿದೆ.
ಷೇರು ಮಾರುಕಟ್ಟೆಗಳಲ್ಲಿ ನಿಮ್ಮ ಹೂಡಿಕೆಯ ಪ್ರಯಾಣವನ್ನು ಆರಂಭಿಸುವಾಗ, ನಂಬಿಗಸ್ಥ ಮತ್ತು ವಿಶ್ವಾಸಾರ್ಹ ಹಣಕಾಸು ಪಾಲುದಾರರನ್ನು ಆಯ್ಕೆ ಮಾಡಲು ಯಾವಾಗಲೂ ಸಲಹೆ ನೀಡಲಾಗುತ್ತದೆ. 2-in(ಇನ್)-1 ಡಿಮ್ಯಾಟ್-ಕಮ್-ಟ್ರೇಡಿಂಗ್ ಖಾತೆಗಳು, ಪ್ರತಿ ವಹಿವಾಟಿನ SMS(ಎಸ್ ಎಂ ಎಸ್)-ಆಧಾರಿತ ಅಲರ್ಟ್‌ಗಳ ವೈಶಿಷ್ಟ್ಯಗಳೊಂದಿಗೆ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳ ಮೇಲೆ ನಿಯಮಿತ ಇಮೇಲ್ ಅಪ್ಡೇಟ್‌ಗಳನ್ನು ನೋಡಿ. ವಿಶ್ವಾಸಾರ್ಹ ಹಣಕಾಸು ಪಾಲುದಾರರು ತನ್ನ ವೆಬ್‌ಸೈಟ್‌ನಲ್ಲಿ ನಿಮ್ಮ ಡಿಮ್ಯಾಟ್ ಖಾತೆ ಹಿಡುವಳಿ ಹೇಳಿಕೆಗಳ ಸುಲಭವಾದ ಆನ್ಲೈನ್ ಪ್ರವೇಶವನ್ನು ಅನುಮತಿಸುತ್ತಾರೆ, ಜೊತೆಗೆ ತ್ವರಿತ CA (ಸಿಎಎಸ್) ಡೌನ್ಲೋಡ್‌ಗೆ ಸಹಕರಿಸುತ್ತಾರೆ.
