దీర్ఘకాలిక పెట్టుబడి ప్రయాణాన్ని ప్రారంభించడం అనేది ఉత్తేజకరమైన అవకాశాలతో బాటు కీలకమైన ఎంపికలను కూడా అందజేస్తుంది. మీరు మ్యూచువల్ ఫండ్స్‌తో డైనమిక్ స్టాక్ మార్కెట్‌ను నావిగేట్ చేయాలా లేదా రియల్ ఎస్టేట్ యొక్క స్పష్టమైన ఆస్తిని ఎంచుకోవాలా? ఈ వ్యాసం ద్వారా, రాబడి, లిక్విడిటీ, రిస్క్ మరియు నిర్వహణ అవసరాలు వంటి కీలక అంశాలను అన్వేషించి ప్రతి ఎంపిక యొక్క లాభాలు మరియు నష్టాలను గురించి లోతుగా పరిశీలిద్దాం.
ఒక శీఘ్ర అవలోకనం: మ్యూచువల్ ఫండ్ వందల మరియు వేల మంది రిటైల్ ఇన్వెస్టర్ల నుండి నిధులను సమీకరించి, ఆ నిధులను నిర్దిష్ట వ్యూహం ప్రకారం పెట్టుబడి పెడుతుంది. ఈ వ్యూహం స్టాక్‌లు మరియు బాండ్‌ల వంటి ఆస్తి తరగతికి, బ్యాంకింగ్ లేదా పీఎస్‌యూ(PSU) రంగాల వంటి సమితికి లేదా మార్కెట్ క్యాప్, ఇండెక్స్ మొదలైన ఏదైనా ఇతర అంశాలకు పరిమితం కావచ్చు. మరోవైపు, రియల్ ఎస్టేట్ పెట్టుబడులు ప్రాథమికంగా భూమిని కొనుగోలు చేస్తాయి. లేదా ఆస్తి మరియు అద్దె లేదా మూలధనంలో పెరుగుదల నుండి, అనగా కాలక్రమేణా భూమి యొక్క ధరలోని పెరుగుదల వల్ల లాభం పొందడం.
ఇప్పుడు మీరు ప్రాథమికాంశాలను తెలుసుకున్నారు, మీ సంపదను ఇటుక మీద ఇటుకను పేర్చి కట్టే నిర్మాణం లేదా ఒక షేర్‌కు మరియొక షేర్‌ను జత చేసే రహస్యాల గుట్టును విప్పడానికి సిద్ధంగా ఉండండి!
మ్యూచువల్ ఫండ్స్ యొక్క ముఖ్య లక్షణాలు
- పూల్డ్ ఇన్వెస్ట్‌మెంట్: చిన్న పెట్టుబడులతో కూడా స్టాక్‌లు, బాండ్‌లు లేదా ఇతర ఆస్తుల వైవిధ్యభరితమైన పోర్ట్‌ఫోలియోను యాక్సెస్ చేయడానికి మీ డబ్బు ఇతర శక్తులతో కలుస్తుంది.
- ప్రొఫెషనల్ మేనేజ్‌మెంట్: అనుభవజ్ఞులైన ఫండ్ మేనేజర్‌లు పరిశోధన చేసి పెట్టుబడులను ఎంచుకుంటారు, మీ సమయాన్ని మరియు శ్రమను ఆదా చేస్తారు.
- డైవర్సిఫికేషన్: మీ దగ్గర ఉన్న గుడ్లను బహుళ బుట్టల్లో (మల్టిపుల్ బాస్కెట్స్‌లో) విస్తరింప చేసి, ఒకే ఆస్తిపై ఆధారపడదం అనే ప్రమాదాన్ని తగ్గించుకోండి.
- లిక్విడిటీ: ఫండ్‌లోని షేర్లను సులభంగా కొనుగోలు చేయడం మరియు విక్రయించడం అనేది, వ్యక్తిగత స్టాక్‌లను నేరుగా స్వంతం చేసుకోవడంతో పోలిస్తే సౌలభ్యాన్ని అందిస్తుంది.
- పారదర్శకత: రెగ్యులర్ రిపోర్టులు ఫండ్ హోల్డింగ్‌లు మరియు పనితీరును వెల్లడించడం ద్వారా, మీకు సమాచారాన్ని తెలియజేస్తాయి.
- రుసుములు: నిర్వహణ రుసుములు మరియు ఖర్చులు ఫండ్ రాబడుల నుండి తీసివేయబడతాయి, ఇది పనితీరుపై ప్రభావం చూపుతుంది.
- రిస్క్: మార్కెట్ హెచ్చుతగ్గులు ఫండ్ యొక్క విలువను ప్రభావితం చేస్తాయి, కాబట్టి పెట్టుబడి పెట్టే ముందు మీ రిస్క్ టాలరెన్స్‌ను గురించి అర్థం చేసుకోండి.
- వివిధ రకాల ఎంపికలు: పెట్టుబడి లక్ష్యాలు, రిస్క్ తీసుకునే స్వభావం మరియు ఆస్తి తరగతుల ఆధారంగా వివిధ నిధుల నుండి ఎంచుకోండి.
- సిస్టమాటిక్ ఇన్వెస్ట్‌మెంట్ ప్లాన్‌లు (ఎస్ఐపీ(SIP)): రూపాయి-వ్యయ సగటు నుండి ప్రయోజనం పొందేందుకు మరియు సంపదను కాలక్రమేణా పెంచుకోవడానికి క్రమం తప్పకుండా (చిన్న మొత్తాలలో కూడా) పెట్టుబడి పెట్టండి.
ఎస్ఐపీ(SIP) అంటే ఏమిటి? అనే దాని గురించి మరింత చదవండి.
మ్యూచువల్ ఫండ్స్ ద్వారా రాబడుల ఉత్పత్తి జరుగుతుందని హామీ ఇవ్వబడదు మరియు గత పనితీరు భవిష్యత్తు ఫలితాలను సూచిస్తుందని చెప్పలేము. మీరు మీ పరిశోధనను నిర్వహించండి మరియు పెట్టుబడి పెట్టే ముందు ఆర్థిక సలహాదారుని సంప్రదించండి.
రియల్ ఎస్టేట్ పెట్టుబడుల యొక్క ముఖ్య లక్షణాలు
- స్పష్టత: స్టాక్‌లు మరియు బాండ్‌ల వలె కాకుండా, రియల్ ఎస్టేట్ యొక్క స్వాభావిక విలువ మరియు పెరుగుదలకు అవకాశం ఉన్న భౌతిక ఆస్తిని అందిస్తుంది
- ఆదాయ ఉత్పత్తి: ఆస్తులను అద్దెకు ఇవ్వడం వలన మనం కష్ట పడకుండా స్థిరమైన ఆదాయాన్ని అందజేస్తుంది, ఇది నమ్మదగిన నగదు ప్రవాహాన్ని సృష్టిస్తుంది.
- క్యాపిటల్ అప్రిసియేషన్: కాలక్రమేణా, ఆస్తి విలువలు పెరుగుతాయి, దీర్ఘ-కాల మూలధన లాభాలకు అవకాశాన్ని కలగ చేస్తాయి.
- పరపతి: రియల్ ఎస్టేట్‌లో కనీస పెట్టుబడి సాధారణంగా చాలా ఎక్కువగా ఉంటుంది కాబట్టి, పెట్టుబడిదారులు తమ రియల్ ఎస్టేట్ కొనుగోళ్ల ఆర్థిక అవసరాల కోసం తరచుగా రుణంపై ఆధారపడతారు. ఇందుకు సంబంధించిన నష్టాలు మరియు రుణ బాధ్యతలు ఉంటాయని గుర్తుంచుకోవాలి.
- అధిక ఖర్చులు: లావాదేవీ ఖర్చులు, నిర్వహించడానికయ్యే ఖర్చులు మరియు ఆస్తి పన్నులు లాభదాయకతను గణనీయంగా ప్రభావితం చేస్తాయి.
- నిరర్థకత: బహిరంగంగా ట్రేడ్ చేయబడిన స్టాక్‌ల వలె కాకుండా, రియల్ ఎస్టేట్ ఆస్తులు విక్రయించడానికి ఎక్కువ సమయం పట్టవచ్చు, దీనికి ఎక్కువ పెట్టుబడి హోరైజన్ అవసరం.
- లొకేషన్ డిపెండెన్స్: ఆస్తి విలువ ఎక్కువగా లొకేషన్‌పై ఆధారపడి ఉంటుంది, దీనికి సమగ్ర మార్కెట్ పరిశోధన మరియు తగిన శ్రద్ధ కావలసి వస్తాయి.
- నిర్వహణ తీవ్రత: ప్రత్యక్ష యాజమాన్యం క్రియాశీల నిర్వహణను కోరుతుంది, అయితే అద్దెలు అద్దెదారు పరస్పర చర్యలు మరియు ఖాళీగా ఉండిపోయే సమయం వంటి వాటికి అవకాశాలను కలిగి ఉంటాయి.
- డైవర్సిఫికేషన్ ఎంపిక: రియల్ ఎస్టేట్ మీ పోర్ట్‌ఫోలియోకు డైవర్సిఫికేషన్‌ను జోడించగలదు, మొత్తం ప్రమాదాన్ని తగ్గించగలదు.
- ఊహించని అవాంతరం: భారతదేశంలో భూమికి సంబంధించిన వ్యాపారం తరచుగా చట్టవిరుద్ధమైన కార్యకలాపాలు, బంధుప్రీతి, లంచం, గూండాగిరి, చట్టపరమైన సమస్యలు మొదలైన వాటిని కలిగి ఉంటుంది. ఇది వనరులను కలిగి ఉండే చాలా తక్కువ మంది వ్యక్తులు మాత్రమే నిర్వహించగల వ్యవహారం. దీనివల్ల అధిక మొత్తంలో దీర్ఘకాలిక ప్రమాదాలకు దారితీసే అవకాశం ఉంటుంది.
రియల్ ఎస్టేట్ పెట్టుబడులలో కొన్ని ప్రత్యేకమైన నష్టాలు ఉంటాయి కాబట్టి లోతైన విశ్లేషణ అవసరం. ఇందులోకి దిగే ముందు మీ ఆర్థిక లక్ష్యాలు, రిస్క్ టాలరెన్స్ మరియు పెట్టుబడి నైపుణ్యాన్ని పరిగణనలోకి తీసుకోవాలి. రియల్ ఎస్టేట్ ప్రొఫెషనల్‌ని సంప్రదించడం చాలా అవసరమని సిఫార్సు చేయబడింది.
రియల్ ఎస్టేట్ కంటే మ్యూచువల్ ఫండ్స్‌లో పెట్టుబడుల వల్ల కలిగే ప్రయోజనాలు
రెండూ పెట్టుబడికి అవకాశాలను అందజేస్తున్నప్పటికీ, ప్రత్యక్షంగా రియల్ ఎస్టేట్ యాజమాని కావడం కంటే మ్యూచువల్ ఫండ్‌లలో పెట్టుబడి పెట్టడం కొన్ని ప్రయోజనాలను కలిగి ఉంటుంది:
- యాక్సెసిబిలిటీ మరియు డైవర్సిఫికేషన్: ఒకే ఆస్తిని కొనుగోలు చేయకుండా, తక్షణమే వైవిధ్యతను సాధించే బహుళ ఆస్తుల వృత్తిపరంగా నిర్వహించబడే పోర్ట్‌ఫోలియోలో చిన్న మొత్తాలతో పెట్టుబడి పెట్టడానికి అవకాశం ఉంటుంది.
- లిక్విడిటీ మరియు ఫ్లెక్సిబిలిటీ: మ్యూచువల్ ఫండ్ షేర్లను ఎప్పుడైనా సులభంగా కొనవచ్చును మరియు విక్రయించవచ్చును, స్థిరాస్తి యొక్క అమ్మకంలో తరచుగా జరిగే సుదీర్ఘ ప్రక్రియతో పోలిస్తే ఎక్కువ సౌలభ్యాన్ని అందజేస్తుంది.
- ప్రొఫెషనల్ మేనేజ్‌మెంట్: మీ సమయాన్ని మరియు పరిశోధన ప్రయత్నాలను ఆదా చేయడానికి, మార్కెట్ సంక్లిష్టతలను నావిగేట్ చేయడానికి, నిపుణులైన అనుభవజ్ఞులైన ఫండ్ మేనేజర్‌లు ఉంటారు.
- నిర్వహణ భారం తగ్గుతుంది: అద్దెదారుల సమస్యలు, మరమ్మతులు మరియు నిర్వహణతో సహా ప్రత్యక్ష ఆస్తి నిర్వహణ బాధ్యతలు ఉండవు.
- ప్రవేశ అవరోధం తక్కువగా ఉంటుంది: రియల్ ఎస్టేట్ కొనుగోళ్లకు సంబంధించిన ముఖ్యమైన ముందస్తు ఖర్చులతో పోలిస్తే చిన్న మొత్తాలను కూడా పెట్టుబడిగా పెట్టుకొవచ్చును.
- పారదర్శకత మరియు సౌలభ్యం: ప్రైవేట్ ఆస్తి లావాదేవీల వలె కాకుండా, రెగ్యులర్ రిపోర్టులు మరియు పారదర్శకమైన ఆన్‌లైన్ యాక్సెస్ కలిగి ఉండి మీ పెట్టుబడులపై స్పష్టమైన అంతర్గతంగా ఉండే నిజాలను తెలియచేస్తాయి.
- విస్తృత శ్రేణి ఆస్తులు అందుబాటులో ఉంటాయి: వ్యక్తిగత రియల్ ఎస్టేట్ కొనుగోళ్లకు సంబంధించిన వివరాలు సులభంగా అందుబాటులో ఉండవు. కానీ ఇక్కడ విభిన్న ఆస్తి తరగతులకు (ఉదా., అంతర్జాతీయ స్టాక్‌లు, వస్తువులు) సంబంధించిన వివరాలు తెలుసుకునే అవకాశం ఉంటుంది.
- క్రమబద్ధమైన పెట్టుబడి ఎంపికలు: ఎస్ఐపీ(SIP)ల ద్వారా సాధారణ పెట్టుబడులను ఆటోమేట్ చేసుకోవచ్చును, రూపాయి-ధర యొక్క సగటు విలువ నుండి కాలక్రమేణా సంపదను నిర్మించడం ద్వారా ప్రయోజనం పొందవచ్చును.
- తక్కువ లావాదేవీ ఖర్చులు: సాధారణంగా రియల్ ఎస్టేట్ లావాదేవీలతో ఉండే ఖరీదైన ముగింపు ఖర్చులు, రియల్టర్ ఫీజులు మరియు ఆస్తి పన్నులు ఉండవు.
- రిస్క్ తగ్గుతుంది: బహుళ ఆస్తుల (మల్టిపుల్ అసెట్స్)లో గల వైవిధ్యం వల్ల వ్యక్తిగత ఆస్తి యొక్క పనితీరు మరియు మార్కెట్ హెచ్చుతగ్గులతో సంబంధం ఉండే నష్టాలను తగ్గిస్తుంది.
మ్యూచువల్ ఫండ్ కంటే రియల్ ఎస్టేట్‌లో పెట్టుబడుల వల్ల కలిగే ప్రయోజనాలు
మ్యూచువల్ ఫండ్స్ సౌలభ్యం మరియు వైవిధ్యాన్ని అందిస్తున్నప్పటికీ, రియల్ ఎస్టేట్ నిర్దిష్ట పెట్టుబడిదారులకు ప్రత్యేక ప్రయోజనాలను కలిగి ఉంటుంది:
- ప్రత్యక్ష ఆస్తి మరియు ద్రవ్యోల్బణం వల్ల ప్రయోజనం: అంతర్గత విలువతో కూడిన భౌతిక ఆస్తిని కలిగి ఉంటే, తరచుగా కాలక్రమేణా పెరిగే, పూర్తిగా కాగితం మీద ఉండే పెట్టుబడుల వలె కాకుండా సహజ ద్రవ్యోల్బణ ప్రయోజనాన్ని అందుకోవచ్చును.
- నివాసం యొక్క ప్రయోజనాలు: మీరు నివాసం ఉండడానికి ఆస్తిని కొనుగోలు చేస్తుంటే, అది మీకు సౌకర్యవంతమైన జీవనం, సమాజంలో ఉన్నత స్థితి మరియు మెరుగైన భద్రత వంటి అదనపు ప్రయోజనాన్ని అందించవచ్చు. మ్యూచువల్ ఫండ్‌లో రిటైల్ పెట్టుబడిదారుడి కంటే ఒక ఇంటి యజమాని గా, అది నివాసం ఉండేది లేదా వాణిజ్యపరమైనది అయినా, అధిక స్థాయి ప్రభావం మరియు గౌరవాన్ని కలిగి ఉంటారు.
- ప్రత్యక్ష ఆదాయ కల్పన: అద్దెల ద్వారా పని చెయ్యకుండానే ఆదాయాన్ని పొందవచ్చును, ఇది అనేక మ్యూచువల్ ఫండ్‌లలో లేని నమ్మకమైన నగదు ప్రవాహాన్ని కల్పిస్తుంది.
- పన్ను ప్రయోజనాలు: మ్యూచువల్ ఫండ్ పెట్టుబడిదారులకు అందుబాటులో లేని పన్ను ప్రయోజనాలను అందిస్తూ తరుగుదల, మరమ్మతులు మరియు తనఖా వడ్డీ కోసం ఉండే పన్ను మినహాయింపులను ఆస్వాదించవచ్చును.
- ఎక్కువ నియంత్రణ మరియు అనుకూలత: మ్యూచువల్ ఫండ్స్ యొక్క ప్రామాణిక స్వభావం వలె కాకుండా, మీ పెట్టుబడిని నిర్దిష్ట అవసరాలు మరియు ప్రాధాన్యతలకు అనుగుణంగా, ఆస్తి యొక్క రకం, స్థానం మరియు నిర్వహణ విధానాన్ని ఎంచుకోవచ్చును.
- దీర్ఘకాలంలో పెరుగుదల: చారిత్రాత్మకంగా, రియల్ ఎస్టేట్ విలువలు సగటు మ్యూచువల్ ఫండ్ రాబడితో పోల్చితే అధిక మూలధన లాభాలను అందించే, దీర్ఘకాలిక పైకి పాకే పోకడలను అప్‌వర్డ్ ట్రెండ్స్) చూపించాయి.
- మార్కెట్ యొక్క అస్థిరతనుండి రక్షణ: స్టాక్ మార్కెట్‌లో తరచుగా ఉండే హెచ్చుతగ్గుల వంటివి రియల్ ఎస్టేట్‌లో ఉండవు, ఆర్థిక మాంద్యం సమయంలో స్థిరత్వాన్ని అందజేస్తుంది.
- ప్రత్యక్ష వారసత్వం: మ్యూచువల్ ఫండ్ హోల్డింగ్‌ల వలె తక్షణమే లిక్విడేట్ చేసుకోకుండా, భవిష్యత్ తరాలకు స్పష్టమైన వారసత్వాన్ని రూపొందించవచ్చును.
- సాఫల్యతా భావన: రియల్ ప్రాపర్టీని సొంతం చేసుకోవడం మరియు నిర్వహించడం ద్వారా సంతృప్తిని అనుభవించవచ్చును మీ పెట్టుబడికి స్పష్టమైన కనెక్షన్‌ని సృష్టించుకోవచ్చును.
మీరు దేనిని ఎంచుకోవాలి అనే నిర్ణయాన్ని ఎలా తీసుకోవాలి?
రియల్ ఎస్టేట్ మరియు మ్యూచువల్ ఫండ్‌ల మధ్య నిర్ణయం తీసుకోవడానికి మీ ఆర్థిక లక్ష్యాలు, రిస్క్ టాలరెన్స్ మరియు కోరుకున్న సమయ పరిధి గురించి ఆత్మపరిశీలన అవసరం. ఈ క్లిష్టమైన ఎంపికను చేసుకోవడంలో ఈ కింది వివరణలు మీకు సహాయపడతాయి:
- నివాస అవసరాలు:
- రియల్ ఎస్టేట్: మీరు నివసించడానికి స్థలాన్ని కోరుకుంటే ఇంటిని కొనుగోలు చేయడం అనుకూలంగా ఉంటుంది. మీరు కాలక్రమేణా ఈక్విటీని పొందుతారు, విలువ పెరిగే అవకాశాలను పొందవచ్చు మరియు పన్ను ప్రయోజనాలను (స్థానాన్ని బట్టి) ఆనందించండి. అయితే, ముందస్తు ఖర్చులు, నిర్వహణ మరియు లిక్విడిటీ ఇందులో ఉన్న ముఖ్యమైన లోపాలు.
- మ్యూచువల్ ఫండ్లు: రెసిడెన్షియల్ ఆర్ఈఐటీ(REIT) లలో పెట్టుబడి పెట్టడం వలన ప్రత్యక్ష యాజమాన్యం లేకుపోయినా హౌసింగ్ మార్కెట్‌కు బహిర్గతం అవ్వ వచ్చును. ఇది లిక్విడిటీ, డైవర్సిఫికేషన్ మరియు ప్రొఫెషనల్ మేనేజ్‌మెంట్‌ను అందిస్తుంది, అయితే రాబడి తక్కువగా ఉండి స్వంతంగా కొనుగోలు చేసుకోవడం వల్ల వచ్చే పన్ను ప్రయోజనాలు ఉండకపోవచ్చును.
- పెద్ద ప్రణాళికలు:
- రియల్ ఎస్టేట్: దీర్ఘకాలిక సంపద సృష్టి కోసం, అద్దె పోర్ట్‌ఫోలియోను నిర్మించడం వలన పని చెయ్యకుండానే ఆదాయాన్ని మరియు మూలధన విలువ పెరిగే అవకాశాన్ని పొందవచ్చు. మీరు కర్మాగారాన్ని లేదా వాణిజ్య స్థలాన్ని నిర్మిస్తుంటే, వివేకంతో కూడిన రియల్ ఎస్టేట్ పెట్టుబడి అవసరం. అయితే, ఇందులో కొంత రిస్క్ కూడా ఉంటుంది. పరపతి, రాబడిని పెంచగలదు, కానీ అందువల్ల నష్టాలు మరియు రుణ బాధ్యతలు ఉంటాయని గుర్తుంచుకోండి.
- మ్యూచువల్ ఫండ్స్: గ్రోత్-ఓరియెంటెడ్ ఈక్విటీ ఫండ్స్‌లో ఇన్వెస్ట్ చేయడం దీర్ఘకాలిక లక్ష్యాలతో బాగా కలిసిపోతుంది. వైవిధ్యీకరణలో ఉండే రిస్కుని తగ్గించి వృత్తిపరమైన నిర్వహణ ప్రక్రియను సులభతరం చేస్తుంది. అయితే, రాబడులు మార్కెట్ హెచ్చుతగ్గులకు లోబడి ఉంటాయి.
- సాధారణ పెట్టుబడి:
- రియల్ ఎస్టేట్: క్రౌడ్ ఫండింగ్ ప్లాట్‌ఫారమ్‌లు రియల్ ఎస్టేట్‌లో పాక్షిక యాజమాన్యాన్ని అందిస్తాయి, వీటికి చిన్న పెట్టుబడులు అవసరం ఉంటుంది మరియు నిర్వహణ భారం తగ్గుతుంది. అయినప్పటికీ, మ్యూచువల్ ఫండ్స్ కంటే ఎక్కువ శ్రమించవలసిన అవసరం ఉంటుంది.
- మ్యూచువల్ ఫండ్లు: ఇండెక్స్ ఫండ్లు లేదా ఇటిఎఫ్‌(ETF)లు పని చేయకుండానే నిర్వహించుకోవచ్చును మరియు తక్కువ రుసుములను కలిగి ఉండి, అవి హ్యాండ్-ఆఫ్ ఇన్వెస్టర్లకు ఆదర్శవంతంగా ఉంటాయి. వాటి వైవిధ్యమైన స్వభావం రిస్క్‌ని తగ్గిస్తుంది, కానీ రాబడి మితంగా ఉండవచ్చును.
- రాబడులు:
- రియల్ ఎస్టేట్: చారిత్రాత్మకంగా, రియల్ ఎస్టేట్ పెరుగుదలకు అవకాశంతో పాటు స్థిరమైన రాబడిని అందిస్తుంది. అద్దె ఆదాయం కూడా పని చేయకుండానే ఆదాయాన్ని ఇస్తుంది. అయితే, రాబడులు నెమ్మదిగా ఉండి లొకేషన్ మరియు మార్కెట్ పరిస్థితులపై ఆధారపడి ఉంటాయి.
- మ్యూచువల్ ఫండ్లు: ఎంచుకున్న ఫండ్ యొక్క రకం మరియు రిస్క్ ప్రొఫైల్ ఆధారంగా రాబడులు గణనీయంగా మారుతూ ఉంటాయి. ఈక్విటీ ఫండ్లు అధిక రాబడికి అవకాశాన్ని అందిస్తాయి కానీ అస్థిరత ఎక్కువగా ఉంటుంది. బాండ్‌లు మరియు ఆదాయ-ఆధారిత నిధులు అధిక వృద్ధి కంటే స్థిరత్వానికి ప్రాధాన్యత ఇస్తాయి.
గుర్తుంచుకోండి, “సరైన” ఎంపిక మీ వ్యక్తిగత పరిస్థితులపై ఆధారపడి ఉంటుంది. మీ ప్రత్యేక అవసరాలకు మరియు రిస్క్ టాలరెన్స్‌కు అనుగుణంగా మీ పెట్టుబడి వ్యూహాన్ని రూపొందించుకోవడానికి వృత్తిపరమైన ఆర్థిక సలహాను తీసుకోండి.
పరిగణించవలసిన కొన్ని అదనపు అంశాలు ఈ కింద ఇవ్వబడ్డాయి:
- మీ వయస్సు మరియు పెట్టుబడి హోరైజన్: దీర్ఘకాలిక దృక్పథంతో ఉన్న యువ పెట్టుబడిదారులు ఎక్కువ రాబడి కోసం ఎక్కువ నష్టాన్ని తట్టుకోగలరు.
- మీకు అందుబాటులో ఉన్న మూలధనం: మ్యూచువల్ ఫండ్స్‌తో పోలిస్తే రియల్ ఎస్టేట్కు తరచుగా గణనీయమైన ముందస్తు పెట్టుబడి అవసరం ఉంటుంది.
- మీ రిస్క్ టాలరెన్స్: మీకు తక్కువ-రిస్క్ టాలరెన్స్ ఉంటే, స్థిరత్వానికి ప్రాధాన్యత ఇవ్వండి మరియు ఆదాయ-ఆధారిత ఎంపికలను పరిగణనలోకి తీసుకోండి.
- మీరు కోరుకున్న స్థాయిలో మీ ప్రమేయం: రియల్ ఎస్టేట్ క్రియత్మకంగా నిర్వహణను కోరుతుంది, అయితే మ్యూచువల్ ఫండ్‌లకు కనీస ప్రయత్నం అవసరం.
ముగింపు
మీకు మ్యూచువల్ ఫండ్స్ లేదా ఇతర స్టాక్ మార్కెట్ పెట్టుబడులపై ఆసక్తి ఉంటే, ఈరోజే ఏంజెల్ వన్‌తో డీమ్యాట్ ఖాతాను తెరవండి!
FAQs
ఏది ఎక్కువ రాబడిని అందిస్తుంది, మ్యూచువల్ ఫండ్ లేదా రియల్ ఎస్టేట్?
రెండూ విభిన్న ప్రొఫైల్లతో ఉండి మంచి రాబడికి అవకాశాన్ని కలిగి ఉంటాయి. రియల్ ఎస్టేట్ పెరుగుదలతో స్థిరమైన రాబడిని అందిస్తుంది, అయితే మ్యూచువల్ ఫండ్స్ ఎంచుకున్న రకాన్ని బట్టి అధిక రాబడులను (మరియు నష్టాలను) అందించే అవకాశాన్ని కలిగి ఉంటాయి.
ఏ పెట్టుబడికి ఎక్కువ రిస్క్ ఉంటుంది, రియల్ ఎస్టేట్‌లోనా లేక మ్యూచువల్ ఫండ్‌లోనా?
రియల్ ఎస్టేట్ సాధారణంగా స్టాక్ మార్కెట్ కంటే తక్కువ అస్థిరమైనదిగా పరిగణించబడుతుంది, అయితే వ్యక్తిగత ఆస్తులు రిస్క్‌తో కూడి ఉంటాయి. మ్యూచువల్ ఫండ్స్ వైవిధ్యతను అందిస్తాయి, రిస్కుని బహుళ ఆస్తుల (మల్టిపుల్ అసెట్స్)లో వ్యాపింప చేస్తాయి.
రియల్ ఎస్టేట్ లేదా మ్యూచువల్ ఫండ్ ప్రారంభించడానికి ఎంత ఎక్కువ ఖర్చు అవుతుంది?
రియల్ ఎస్టేట్కు గణనీయమైన ముందస్తు పెట్టుబడి అవసరం, అయితే మ్యూచువల్ ఫండ్లు చిన్న మొత్తాలతో కూడా ప్రారంభించడానికి మిమ్మల్ని అనుమతిస్తాయి.
రియల్ ఎస్టేట్ లేదా మ్యూచువల్ ఫండ్ నిర్వహణలో దేనికి ఎక్కువ సమయం కావాలి?
రియల్ ఎస్టేట్ క్రియాత్మక నిర్వహణను కోరుతుంది, అయితే మ్యూచువల్ ఫండ్‌లకు సరైనదాన్ని ఎంచుకున్న తర్వాత కూడా కనీస ప్రయత్నం అవసరం ఉంటుంది. వాస్తవానికి, చట్టపరమైన సమస్యలు ఉంటే రియల్ ఎస్టేట్ నిర్వహణ మరింత సమస్యాత్మకంగా మారవచ్చు.
ఏది ఎక్కువ లిక్విడిటీని కలిగి ఉంటుంది, మ్యూచువల్ ఫండ్ లేదా రియల్ ఎస్టేట్?
మ్యూచువల్ ఫండ్లను సులభంగా కొనుగోలు చేయవచ్చు మరియు విక్రయించవచ్చు, అయితే రియల్ ఎస్టేట్ విక్రయించడానికి సమయం పడుతుంది, ఇది తక్కువ ద్రవంగా మారుతుంది (తక్కువ లిక్విడిటీని కలిగి ఉంటుంది). అయితే, రియల్ ఎస్టేట్పై ఎటువంటి ఎగ్జిట్ లోడ్ ఉండదు, అయితే కొన్ని మ్యూచువల్ ఫండ్లు ఎగ్జిట్ లోడ్లు మరియు కనీస పెట్టుబడి కాల అవధులు రెండింటినీ కలిగి ఉంటాయి.
