ಪ್ಯಾನ್ (PAN) ನೊಂದಿಗೆ ಆಧಾರ್ ಅನ್ನು ಹೇಗೆ ಲಿಂಕ್ ಮಾಡುವುದು?

ನೀವು ತೆರಿಗೆ ಕಟ್ಟುವವರಾಗಿದ್ದರೆ, ನಿಮ್ಮ ಆಧಾರ್ ಕಾರ್ಡ್‌ನೊಂದಿಗೆ ನಿಮ್ಮ ಪ್ಯಾನ್ (PAN) ಅನ್ನು ಲಿಂಕ್ ಮಾಡುವುದು ಈಗ ಕಡ್ಡಾಯವಾಗಿದೆ. ಗಡುವು ದಿನಾಂಕದೊಳಗೆ ಲಿಂಕ್ ಮಾಡಲು ವಿಫಲವಾದರೆ ಪ್ಯಾನ್ (PAN) ಕಾರ್ಡನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ ಮತ್ತು ನಿಮಗೆ ಐ ಟಿ ಆರ್ (ITR) (ಆದಾಯ ತೆರಿಗೆ ರಿಟರ್ನ್ಸ್) ಫೈಲ್ ಮಾಡಲು ಸಾಧ್ಯವಾಗುವುದಿಲ್ಲ. ₹50,000 ಅಥವಾ ಅದಕ್ಕಿಂತ ಹೆಚ್ಚಿನ ಬ್ಯಾಂಕಿಂಗ್ ಟ್ರಾನ್ಸಾಕ್ಷನ್‌ಗಳನ್ನು ಮಾಡುವ ವ್ಯಕ್ತಿಗಳು ಸೇವೆಗಳನ್ನು ಪಡೆಯುವುದನ್ನು ಮುಂದುವರೆಸಲು ತಮ್ಮ ಪ್ಯಾನ್ (PAN) ಅನ್ನು ತಮ್ಮ ಆಧಾರ್‌ನೊಂದಿಗೆ ಲಿಂಕ್ ಮಾಡಬೇಕು.

ಯಾವುದೇ ಅಡೆತಡೆಯಿಲ್ಲದೆ ಹಣಕಾಸಿನ ಟ್ರಾನ್ಸಾಕ್ಷನ್‌ಗಳನ್ನು ಮುಂದುವರೆಸಲು ಈ ಹಂತವು ಮುಖ್ಯವಾಗಿರುವುದರಿಂದ, ಈ ಲೇಖನವು ಪ್ರಮುಖವಾಗಿದೆ. ಇದು ಪ್ಯಾನ್ (PAN) ಕಾರ್ಡ್‌ನೊಂದಿಗೆ ಆಧಾರ್ ಕಾರ್ಡ್ ಲಿಂಕ್ ಮಾಡುವ ಪ್ರಕ್ರಿಯೆಯನ್ನು ಮತ್ತು ಪ್ಯಾನ್ (PAN) ಆಧಾರ್ ಲಿಂಕ್ ಸ್ಥಿತಿಯನ್ನು ಹೇಗೆ ಪರಿಶೀಲಿಸುವುದು ಎಂಬುದನ್ನು ವಿವರಿಸುತ್ತದೆ.

ಪ್ಯಾನ್ (PAN) ಮತ್ತು ಆಧಾರ್ ಕಾರ್ಡ್‌ಗಳನ್ನು ಅರ್ಥಮಾಡಿಕೊಳ್ಳುವುದು

ಪ್ಯಾನ್ (PAN) ಕಾರ್ಡ್ ನಿಮ್ಮ ಹಣಕಾಸಿನ ಹೆಜ್ಜೆಗುರುತನ್ನು ಟ್ರ್ಯಾಕ್ ಮಾಡುವ ಮತ್ತು ತೆರಿಗೆ ಅನುಸರಣೆಯನ್ನು ಪೂರೈಸಲು ನಿಮಗೆ ಸಹಾಯ ಮಾಡುವ ಪ್ರಮುಖ ಡಾಕ್ಯುಮೆಂಟ್ ಆಗಿದೆ. ಪ್ಯಾನ್ (PAN) ಕಾರ್ಡ್ ಪ್ರತಿ ವ್ಯಕ್ತಿಗೆ 10 ಅಂಕಿಯ ಅಕ್ಷರಸಂಖ್ಯಾತ್ಮಕ ಸಂಖ್ಯೆಯನ್ನು ಹೊಂದಿರುತ್ತದೆ. ಆದಾಯ ತೆರಿಗೆ ಇಲಾಖೆಯಿಂದ ನೀಡಲಾದ ಪ್ಯಾನ್ (PAN), ವ್ಯಕ್ತಿಗಳು ಅಥವಾ ನಿಗಮಗಳ ಬಗ್ಗೆ ತೆರಿಗೆ ಸಂಬಂಧಿತ ಮಾಹಿತಿಯನ್ನು ಸಂಗ್ರಹಿಸಲು ಕೇಂದ್ರೀಕೃತ ವ್ಯವಸ್ಥೆಯಾಗಿದೆ.

ಆಧಾರ್ 12-ಅಂಕಿಯ ಗುರುತಿನ ಸಂಖ್ಯೆಯಾಗಿದೆ. ಭಾರತದ ವಿಶಿಷ್ಟ ಗುರುತಿನ ಪ್ರಾಧಿಕಾರ (ಯುಐಡಿಎಐ (UIDAI)) ವಯಸ್ಸು ಅಥವಾ ಲಿಂಗವನ್ನು ಲೆಕ್ಕಿಸದೆ, ಪ್ರತಿ ಭಾರತೀಯ ನಾಗರಿಕರಿಗೆ ಇದನ್ನು ನೀಡಲಾಗುತ್ತದೆ. ಆಧಾರ್ ವ್ಯಕ್ತಿಗಳ ಬಗ್ಗೆ ಎಲ್ಲಾ ವಿವರಗಳನ್ನು ಒಂದೇ ಸಂಖ್ಯೆಯಲ್ಲಿ ಸಂಗ್ರಹಿಸಲು ಮತ್ತು ಅವುಗಳನ್ನು ಸರ್ಕಾರಿ ಡೇಟಾಬೇಸ್‌ನಿಂದ ಅಕ್ಸೆಸ್ ಮಾಡಲು ಅನುವು ಮಾಡಿಕೊಡುತ್ತದೆ.

ಆದಾಯ ತೆರಿಗೆ ರಿಟರ್ನ್ಸ್ ಫೈಲ್ ಮಾಡಲು ಪ್ಯಾನ್ (PAN) ನೊಂದಿಗೆ ಆಧಾರ್ ಅನ್ನು ಲಿಂಕ್ ಮಾಡುವುದು ಹೇಗೆ?

ನೀವು ವಿನಾಯಿತಿ ಪಡೆಯದ ಹೊರತು ನೀವು ಐ ಟಿ ಆರ್ (ITR) ಫೈಲ್ ಮಾಡಬೇಕಾದರೆ ಪ್ಯಾನ್ (PAN) ಕಾರ್ಡಿನೊಂದಿಗೆ ಆಧಾರ್ ಕಾರ್ಡನ್ನು ಲಿಂಕ್ ಮಾಡುವುದು ಕಡ್ಡಾಯವಾಗಿದೆ. ಇವುಗಳು ಈ ಕೆಳಗಿನವುಗಳನ್ನು ಒಳಗೊಂಡಿವೆ:

• ಭಾರತದಲ್ಲಿ ವ್ಯವಹಾರವನ್ನು ನಡೆಸುತ್ತಿರುವ ಅನಿವಾಸಿ ಭಾರತೀಯರು (ಎನ್ ಆರ್ ಐ (NRI)), ಭಾರತೀಯ ಮೂಲದ ವ್ಯಕ್ತಿಗಳು (ಪಿ ಐ ಓ (PIO) ಗಳು) ಮತ್ತು ಭಾರತದ ವಿದೇಶಿ ನಾಗರಿಕತ್ವ (ಸಿ ಐ ಓ (CIO) ಗಳು) ಮುಂತಾದ ಸ್ಥಿತಿಗಳನ್ನು ಹೊಂದಿರುವ ವ್ಯಕ್ತಿಗಳಿಗೆ ತಮ್ಮ ಪ್ಯಾನ್ (PAN) ಅನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡಲು ವಿನಾಯಿತಿ ನೀಡಲಾಗಿದೆ.
• ಭಾರತದಲ್ಲಿ ವಾಸಿಸುತ್ತಿರುವ ವಿದೇಶಿ ಪ್ರಜೆಗಳಿಗೂ ಇದು ಕಡ್ಡಾಯವಲ್ಲ.
• ಅಸ್ಸಾಂ, ಮೇಘಾಲಯ ಮತ್ತು ಜಮ್ಮು ಮತ್ತು ಕಾಶ್ಮೀರ ನಿವಾಸಿಗಳಿಗೆ (ಜೆ&ಕೆ (J&K)) ವಿನಾಯಿತಿ ನೀಡಲಾಗಿದೆ.
• 80 ವಯಸ್ಸಿಗಿಂತ ಹೆಚ್ಚಿನ ವ್ಯಕ್ತಿಗಳು ತಮ್ಮ ಪ್ಯಾನ್ (PAN) ನೊಂದಿಗೆ ತಮ್ಮ ಆಧಾರ್ ಲಿಂಕ್ ಮಾಡುವ ಅಗತ್ಯವಿಲ್ಲ.

ಮೇಲೆ ತಿಳಿಸಲಾದ ಕೆಟಗರಿಗಳನ್ನು ಹೊರತುಪಡಿಸಿ, ಪ್ಯಾನ್ (PAN) ಆಧಾರ್ ಲಿಂಕಿಂಗ್ ಎಲ್ಲರಿಗೂ ಕಡ್ಡಾಯವಾಗಿದೆ.

ನಿಮ್ಮ ಆಧಾರ್ ನಿಮ್ಮ ಪ್ಯಾನ್ (PAN) ಕಾರ್ಡಿಗೆ ಲಿಂಕ್ ಆಗಿದೆಯೇ ಎಂದು ಹೇಗೆ ಪರಿಶೀಲಿಸುವುದು

ಐ ಟಿ ಆರ್ (ITR) ಫೈಲ್ ಮಾಡಲು ನಿಮ್ಮ ಆಧಾರ್ ಕಾರ್ಡಿನೊಂದಿಗೆ ನಿಮ್ಮ ಪ್ಯಾನ್ (PAN) ಕಾರ್ಡನ್ನು ಲಿಂಕ್ ಮಾಡುವುದು ಅಗತ್ಯವಾಗಿದೆ. ನಿಮ್ಮ ಪ್ಯಾನ್ (PAN) ಮತ್ತು ಆಧಾರ್ ಲಿಂಕ್ ಆಗದಿದ್ದರೆ ಆದಾಯ ತೆರಿಗೆ ಇಲಾಖೆಯು ನಿಮ್ಮ ರಿಟರ್ನ್ ಅನ್ನು ಪ್ರಕ್ರಿಯೆಗೊಳಿಸುವುದಿಲ್ಲ. ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ನೀವು ಎರಡು ಗುರುತಿನ ಕಾರ್ಡ್‌ಗಳನ್ನು ಲಿಂಕ್ ಮಾಡಬಹುದು. ನಿಮ್ಮ ಪ್ಯಾನ್ (PAN) ನಿಮ್ಮ ಆಧಾರ್‌ಗೆ ಲಿಂಕ್ ಆಗಿದೆಯೇ ಎಂದು ನೀವು ಪರಿಶೀಲಿಸಲು ಬಯಸಿದರೆ, ಕೆಳಗಿನ ಹಂತಗಳನ್ನು ಅನುಸರಿಸಿ.

• ಆದಾಯ ತೆರಿಗೆ ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್‌ಗೆ ಭೇಟಿ ನೀಡಿ.
• ಕ್ವಿಕ್ ಲಿಂಕ್ ವಿಭಾಗದಲ್ಲಿ ‘ ಲಿಂಕ್ ಆಧಾರ್ ಸ್ಟೇಟಸ್ ‘ ಮೇಲೆ ಕ್ಲಿಕ್ ಮಾಡಿ
• ನಿಮ್ಮ ಪ್ಯಾನ್ (PAN) ಕಾರ್ಡ್ ನಂಬರ್ ನಮೂದಿಸಿ
• ಆಧಾರ್ ಕಾರ್ಡ್ ನಂಬರ್ ನಮೂದಿಸಿ
• ನಿಮ್ಮ ಪ್ಯಾನ್ (PAN) ನಿಮ್ಮ ಆಧಾರ್‌ಗೆ ಲಿಂಕ್ ಆಗದಿದ್ದರೆ, ಡೈಲಾಗ್ ಬಾಕ್ಸ್ ಸ್ಕ್ರೀನಿನಲ್ಲಿ ಕಾಣಿಸಿಕೊಳ್ಳುತ್ತದೆ: ‘ಪ್ಯಾನ್ (PAN) ಆಧಾರ್‌ನೊಂದಿಗೆ ಲಿಂಕ್ ಆಗಿಲ್ಲ. ಪ್ಯಾನ್ (PAN) ನೊಂದಿಗೆ ನಿಮ್ಮ ಆಧಾರ್ ಲಿಂಕ್ ಮಾಡಲು ಆಧಾರ್ ಲಿಂಕ್ ಮೇಲೆ ಕ್ಲಿಕ್ ಮಾಡಿ’.

ಆಧಾರ್ ಕಾರ್ಡ್ ಮತ್ತು ಪ್ಯಾನ್ (PAN) ಕಾರ್ಡ್ ಲಿಂಕ್ ಮಾಡುವ ವಿಧಾನ

1. ಆಧಾರ್ ಕಾರ್ಡ್ ಮತ್ತು ಪ್ಯಾನ್ (PAN) ಕಾರ್ಡ್ ಲಿಂಕ್ ಮಾಡುವ ಹಂತಗಳು – ಆನ್ಲೈನ್

• ಐಟಿ (IT) ಇಲಾಖೆಯ ಇ-ಫೈಲಿಂಗ್ ಪೋರ್ಟಲ್‌ಗೆ ಭೇಟಿ ನೀಡಿ
• ಹೋಮ್‌ಪೇಜಿನ ಕ್ವಿಕ್ ಲಿಂಕ್ ವಿಭಾಗಕ್ಕೆ ಹೋಗಿ ಮತ್ತು ಆಧಾರ್ ಲಿಂಕ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ
• ಪ್ಯಾನ್ (PAN) ನಂಬರ್ ನಮೂದಿಸಿ
• ನಿಮ್ಮ ಆಧಾರ್ ಕಾರ್ಡ್ ನಂಬರ್ ನಮೂದಿಸಿ
• ನಿಮ್ಮ ಆಧಾರ್ ಕಾರ್ಡ್ ನಿಮ್ಮ ಹುಟ್ಟಿದ ವರ್ಷವನ್ನು ಮಾತ್ರ ಹೊಂದಿದ್ದರೆ ‘ನಾನು ಆಧಾರ್ ಕಾರ್ಡಿನಲ್ಲಿ ನಮೂದಿಸಿದ ಹುಟ್ಟಿದ ವರ್ಷವನ್ನು ಮಾತ್ರ ಹೊಂದಿದ್ದೇನೆ’ ಬಾಕ್ಸನ್ನು ಟಿಕ್ ಮಾಡಿ.
• ‘ಆಧಾರ್ ಲಿಂಕ್ ಮಾಡಿ’ ಮೇಲೆ ಕ್ಲಿಕ್ ಮಾಡಿ’. ನಿಮ್ಮ ನೋಂದಾಯಿತ ಮೊಬೈಲ್ ನಂಬರಿನಲ್ಲಿ ಮೌಲ್ಯಮಾಪನಕ್ಕಾಗಿ ನೀವು 6-ಅಂಕಿಯ ಒ ಟಿ ಪಿ (OTP) ಯನ್ನು ಪಡೆಯುತ್ತೀರಿ.

ಒಂದು ವೇಳೆ ನೀವು ಅದನ್ನು ಮಾರ್ಚ್ 31, 2023 ನಂತರ ಲಿಂಕ್ ಮಾಡಿದರೆ, ನೀವು ₹1,000 ದಂಡವನ್ನು ಪಾವತಿಸಬೇಕಾಗುತ್ತದೆ. ಪಾವತಿ ವಿವರಗಳು ಕಂಡುಬಂದಿಲ್ಲದಿದ್ದರೆ, ಪಾಪ್-ಅಪ್ ಎಚ್ಚರಿಕೆ – ‘ಪಾವತಿ ವಿವರಗಳು ಕಂಡುಬಂದಿಲ್ಲ’ – ಎಂದು ಸ್ಕ್ರೀನಿನಲ್ಲಿ ಕಾಣಿಸಿಕೊಳ್ಳುತ್ತದೆ. ನೀವು ನ್ಯಾಷನಲ್ ಸೆಕ್ಯೂರಿಟಿಸ್ ಡೆಪಾಸಿಟರಿ ಲಿಮಿಟೆಡ್‌ನ ವೆಬ್‌ಸೈಟ್ ಮೂಲಕ ಮುಂಚಿತವಾಗಿ ಪಾವತಿ ಮಾಡಬೇಕು.

2. ಆಧಾರ್ ಕಾರ್ಡ್ ಮತ್ತು ಪ್ಯಾನ್ (PAN) ಕಾರ್ಡ್ ಲಿಂಕ್ ಮಾಡುವ ಹಂತಗಳು – ಎಸ್ ಎಂಎಸ್ (SMS) ಮೂಲಕ

ನಿಮ್ಮ ನೋಂದಾಯಿತ ಮೊಬೈಲ್ ನಂಬರಿನಿಂದ ಟೆಕ್ಸ್ಟ್ ಮೆಸೇಜನ್ನು UIDPAN> SPACE> 12-ಅಂಕಿಯ ಆಧಾರ್> SPACE> 10-ಅಂಕಿಯ ಪ್ಯಾನ್ (PAN) ನಲ್ಲಿ 567678 ಗೆ ಕಳುಹಿಸುವ ಮೂಲಕ ನೀವು ಪ್ಯಾನ್ (PAN) ಮತ್ತು ಆಧಾರ್ ಅನ್ನು ಎಸ್ ಎಂಎಸ್ (SMS) ಮೂಲಕ ಲಿಂಕ್ ಮಾಡಬಹುದು.

3. ಆಧಾರ್ ಕಾರ್ಡ್ ಮತ್ತು ಪ್ಯಾನ್ (PAN) ಕಾರ್ಡ್ ಲಿಂಕ್ ಮಾಡುವ ಹಂತಗಳು – ಆಫ್‌ಲೈನ್

ಪ್ರೋಟಿಯನ್ ಇ-ಗವ್ ಟೆಕ್ನಾಲಜೀಸ್ ಲಿಮಿಟೆಡ್, ಪ್ಯಾನ್ (PAN) ಸೇವಾ ಪೂರೈಕೆದಾರರ ಕಚೇರಿಗೆ ಭೇಟಿ ನೀಡುವ ಮೂಲಕ ನೀವು ಆಧಾರ್ ಮತ್ತು ಪ್ಯಾನ್ (PAN) ಅನ್ನು ಲಿಂಕ್ ಮಾಡಬಹುದು. ಲಿಂಕಿಂಗ್ ಪ್ರಕ್ರಿಯೆಯನ್ನು ಆರಂಭಿಸಲು ಅಗತ್ಯ ಡಾಕ್ಯುಮೆಂಟ್‌ಗಳೊಂದಿಗೆ ಫಾರ್ಮ್ ಸಲ್ಲಿಸಿ.

ತೀರ್ಮಾನ

ಪ್ಯಾನ್ (PAN) ಮತ್ತು ಆಧಾರ್ ಎರಡೂ ವಿಶಿಷ್ಟ ಗುರುತಿನ ಡಾಕ್ಯುಮೆಂಟ್‌ಗಳಾಗಿದ್ದು, ಇದು ಗುರುತಿನ ಪುರಾವೆಯಾಗಿ ಮತ್ತು ನೋಂದಣಿ ಮತ್ತು ಪರಿಶೀಲನಾ ಉದ್ದೇಶಗಳಿಗಾಗಿ ಕೆಲಸ ಮಾಡುತ್ತವೆ. ಮೇಲ್ವಿಚಾರಣೆಯ ಪ್ರಕ್ರಿಯೆಯನ್ನು ಸುಧಾರಿಸುವ ಮೂಲಕ ತೆರಿಗೆ ತಪ್ಪಿಸುವಿಕೆಯನ್ನು ತಡೆಯಲು ಸಹಾಯ ಮಾಡುತ್ತದೆ. ನಿಮ್ಮ ಪ್ಯಾನ್ (PAN) ನೊಂದಿಗೆ ನಿಮ್ಮ ಆಧಾರ್ ಲಿಂಕ್ ಮಾಡದಿದ್ದರೆ ಐ ಟಿ ಆರ್ (ITR) ಫೈಲ್ ಮಾಡುವುದನ್ನು ಮತ್ತು ಹಣಕಾಸಿನ ಚಟುವಟಿಕೆಗಳಲ್ಲಿ ಭಾಗವಹಿಸುವುದನ್ನು ತಡೆಯುತ್ತದೆ. ಮೇಲಿನ ಹಂತಗಳನ್ನು ಅನುಸರಿಸುವ ಮೂಲಕ, ನೀವು ಸುಲಭವಾಗಿ ನಿಮ್ಮ ಪ್ಯಾನ್ (PAN) ಮತ್ತು ಆಧಾರ್ ಅನ್ನು ಲಿಂಕ್ ಮಾಡಬಹುದು.

FAQs